I gcás foréigin ar dhuine, is féidir go n-áirítear ciapadh, ionsaí, robáil agus dúnbhású.

Is ionann foréigean atá bunaithe ar inscne agus foréigean a dhírítear ar dhuine mar gheall ar inscne an duine sin nó foréigean a dhírítear ar inscne faoi leith go díréireach. Is féidir go n-áirítear leis sin foréigean ar mhná, foréigean teaghlaigh ar mhná, ar fhir nó ar leanaí atá ina gcónaí san aonad teaghlaigh céanna.

Is ionann coir fuatha sheineafóibeach agus cion coiriúil a spreagtar trí chlaontacht, naimhdeas nó réamhchlaonadh i dtaobh daoine mar gheall ar an nginealach, an bunús náisiúnta nó an bunús eitneach atá acu nó a shíltear a bheith acu. Go ginearálta is dearcadh, réamhchlaonadh nó iompar é a dhiúltaíonn, a eisiann agus go minic a mhaslaíonn daoine nó grúpa, bunaithe ar an tuairim gur daoine ón taobh amuigh nó eachtrannaigh iad sa phobal, sa tsochaí nó ó thaobh fhéiniúlachta náisiúnta.

Is ionann coir fuatha frith-LADTIA agus cion coiriúil a spreagtar trí naimhdeas nó réamhchlaonadh i leith daoine atá (nó a bhraitear a bheith) LGBTIQ LADTIA. Déanann LADTIA tagairt do dhaoine atá leispiach, aerach, déghnéasach, trasinscne, idirghnéasach nó aiteach.

Áirítear le foréigeann in éadan leanaí gach cineál díóbhála, lena n-áirítear foréigean fisiciúil nó meabhrach, gortú nó mí-úsáid, faillí nó cóireáil fhaillíoch, drochíde nó dúshaothrú, lena n-áirítear mí-úsáid ghnéasach in éadan leanaí. Is iomaí cineál atá ann agus is féidir le duine ar bith é a dhéanamh, lena n-áirítear iad siúd atá cóngarach don leanbh nó a bhfuil údarás acu air (m.sh., tuismitheoirí, gaolta, baill foirne oideachais nó cúramóirí).