Ħarsien b'saħħtu
għall-vittmi fl-UE
Id-drittijiet tal-membri tal-familja tal-vittmi
Ħafna mid-drittijiet li japplikaw għall-vittmi japplikaw ukoll għall-membri tal-familja tagħhom, bħad-dritt ta’ aċċess għal servizzi ta’ appoġġ, id-dritt għall-protezzjoni u d-dritt għall-privatezza.
Dritt għal protezzjoni u għal valutazzjoni individwali
Il-vittmi u l-membri tal-familja tagħhom għandhom id-dritt li jkunu protetti minn vittimizzazzjoni sekondarja u ripetuta, intimidazzjoni, ritaljazzjoni u ħsara emozzjonali. L-għan tal-valutazzjoni individwali huwa li jiġi identifikat jekk il-vittmi għandhomx bżonnijiet ta’ protezzjoni speċifiċi u sabiex jiġi ddeterminat jekk, u sa liema punt, jibbenefikawx minn miżuri speċjali matul il-proċedimenti kriminali. Id-dinjità tal-vittmi trid tiġi mħarsa meta jkunu qed jixhdu.
Dritt għal servizzi ta’ appoġġ
Il-vittmi kollha għandhom id-dritt għal servizzi ta’ appoġġ għall-vittmi kunfidenzjali u mingħajr ħlas, li jaġixxu fl-interessi tal-vittmi qabel, matul u għal ċertu żmien wara l-proċedimenti kriminali.
Dritt għall-informazzjoni
Il-vittmi għandhom id-dritt li jirċievu informazzjoni dwar firxa ta’ suġġetti inkluż, iżda mhux limitat għal, x’tip ta’ appoġġ huwa disponibbli u kif jistgħu jaċċessawh, kumpens, ġustizzja restorattiva, protezzjoni, kif jistgħu jirrappurtaw reati kriminali u kif jistgħu jaċċessaw parir legali.
Id-dritt li tifhem u li jifhmuk
Il-vittmi għandhom id-dritt li jiġu mismugħa, mifhuma u rispettati. Il-komunikazzjoni kollha mal-vittmi (miktuba u mitkellma) trid tkun sempliċi u faċli biex wieħed jifhimha.
Dritt ta’ parteċipazzjoni fi proċedimenti kriminali
Il-vittmi għandhom id-dritt li jieħdu sehem fi proċedimenti kriminali.
Stejjer li jiftħu tieqa għal realtajiet ġodda
Iftaħ għajnejk. Il-vittmi għandhom bżonn il-viġilanza tiegħek.